تعال محروج تناقش ؟ تعالي محروجه تتناقشي ؟ ( طاوله النقاش والحوار الجاد )

والله ياجيمى مش كل البنات كده
يعنى الى بتدور على ولد كده دى تبقى مش محترمه
وعاوزة تتسلى معاه وخلاص يعنى تقدر تقول كده
فصيله واحده من نفس النوع
والولد ده والله بيسقط من نظر البنات اوى
لان مفيش واحده محترمه هتبص لواحد زى ده
اكيد الى هتبصله هتبقى زيه بالظبط

البنت بتبص للولد المحترم قوى الشخصيه
الرزين العقلانى الى فيه الصفات الحميده
الى البنت تقدر تعتمد عليه

انما واحد زى بتاع البنطلون والشعر ده
هتلاقيه فافى عامل زى الريشه فى الهوا
محدش يعتمد عليه ولا بيهش ولا بينش
كل الى يهمه منظره قدام البنات
والله اصلا مش بيكون فيه منظر
انا لما بشوف واحد زى ده مش ببطل تاليس عليه بجد
لان بيبقى شكله مضحك بجد

بجد جيمى توبيك فى منتهى الجمال
وانشاء الله هيولع ناااار ههههههههههه
هنعمل حرب بقى صح ؟
بجد تسلم ايدك كتييير وتسلم دماغك على الفكره الحلوه دى

اسال بقى ولا استنى راى البنات
ولا اعمل ايه ؟

ههههههههههههههههه
عاجبنى موت ردك يا بوسى
ظريف قوى
انا مستنى سؤالكم اهو ع نار
وميرسى لأحمد ع التوبيك

اولا ميرسى ليكى يا بوسى على ردك الرائع الجميل

وشكرا على مرورك يا جولدن


وانا اول من يبدأ الحرب

انا مش عارف ليه بشوف بنات بتبقى جواها حاجه وبتطلع حاجه تنيه
يعنى مثلا
بتقول انا مش بعترف بالحب ولا عوزه احب وتكلم وهى متكبره
بس بيبقى جواها حاجه تنيه بيبقى جواها نفسها تتحب وتحب

انا بلاحظ ده على ناس فى بعض المنتديات
ده الى بلحظه واكيد فى ناس كدا

امممممممممممممممممم
دى حاله شاذه لما تلاقى بنت كده
وانا لحظتها فى كذا بنت اعرفهم يعنى
بس مش نحكم على حد قبل ما نعرف هو بيفكر فى ايه
ولا هو بيعمل ليه كده
يعنى ممكن البنت مش عاوزة تعرف حد عن حياتها
فبتكون مطره انها تقول كلام غير الى جواها
ومثلا زى ما بتقول ياجيمى لما نيجى نتكلم عن الحب
فى بنات بتقول انها مش بتحب مع انها بتكون مجنونه بالحب
يمكن بيقولوا كده لانهم محروجين او مش عاوزين حد يعرف انهم بيحبوا
بس مش معنى كده ان البنت بتكون متكبره
الواحده برضوا بتخاف على سمعتها


انت يااحمد احنا هنسال امتى؟

يا اميره مش موضوع انانيه ولا حاجه
اولا العيب مش من الاولاد العيب فى عادتنا وتقاليدنا
مش ذنب اى ولد انه اتولد لقى نفسى ممكن يحب وفى نفس الوقت مطالب انه يغير ع اخته ويخاف عليها
عشان لو معملش كده كلام الناس هيكتر عليه
يعنى الولد مولود لقى سير الحياه كده

وبردو من العادات والتقاليد

انه المفروض يخاف علي بنات الناس
وميطلبش من اللي بيحبها انها تقابله وممكن يطلع عليها كلام في اي لحظه ويقوم هو سايبها في الاخر
يعني المفروض يخاف عليها زي اخته بالظبط
وبردو يحرم نفسه من حاجات بيحرمها علي غيره
لكن كل ده مبيحصلش

لا طبعا بييحصل والدليل انا
انا عمرى ما طلبت طلب زى ده منها
يعنى بترجع للشخصيه انما مش الاولاد عموما

معلش عشان عممت
عارفه ان فيه كتير زيك ملهمش في الكلام ده
بس من اللي الواحد بيسمعه ويشوفه بتغاظ اوي

والله يا ميرو انا كنت حاسس ان فى بنات هتسأل السؤال ده
بس انا هجاوب بصراحه ومش عشان انا ولد د لا انا هقول الصراحه
هو فعلا الولد انانى فى الحاجه دى بس مش كل الولاد وكمان والله فى ناس بتعمل كدا بس نويه للبنت دى على خير
يعنى مثلا انا بحب وحده انا ممكن اه امهدلها بس مش اخرج معاها ولا كلام من ده انا امهدلها وبعدين اروح لاهلها لان ده الصح
وانا فعلا لو شوفت اختى بتحب انسان هقولها يبنت الحلال سيبى كل حاجه لربنا وهو لو شريكى بجد هيجى ويتقدم

انا لاوم فى الامور دى هفكر بعقل
مش بحساسيه واروح اضربها وابهدلها ده تفكير همجى ومش متحضر
والله ده رئى

اجابتك جميله جداااا جيمى

اسال انا بقى
ليه لما الولد بيحب بيحاول يفرض سيطرته على البنت ولازم تسمع كلامه ؟
معليشى سؤال تانى
ليه كلمه وداع عند معظم الشباب سهله جدااا ؟

ليه لما الولد بيحب بيحاول يفرض سيطرته على البنت ولازم تسمع كلامه ؟
اولا اى بنت لما بتكون بتحب ولد يبقى كده حملته مسئوليه كبيره
انه لازم يحميها ويحافظ عليها ويحسسها انها فى امان
فبالتاى لازم يسيطر عليها بس طبعا بدون اى خدش لكرامتها
وساعات الولد بيحكم ع البنت حاجات كتيره هى مش عاوزاها
بس هو عشان بيحبها وبيخاف عليها شايف الصح فين





ليه كلمه وداع عند معظم الشباب سهله جدااا ؟
لان كمان كلمة بحبك اى حد يقولها

صح والله اللي يقولك بحبك بسهوله
يقول الوداع بسهوله بردو

انا مش هسال عشان البنات سالت كتير
الدور عليكم انتو بقا

عندك حق كتيييير ياعموره فى كلامك

منتظرين اسالتكم

ليه البنات بتحب تجرح اكتر من الولد وده حقيقى ؟

اول مره اعرف ان البنات بتجرح اكتر من الولاد
والله بقا ترجع لشخصية كل بنت
وحسب الموقف اللي هي فيه و يخليها تجرح الناس
الله اعلم
انت ممكن تقولنا وجهة نظرك في الموضوع ده يعني ليه بتقول كده؟؟

والله لان انا شايف كدا وشوفت حالات حب ادامى وحصل فيها كد بس والله الحمد لله نحصلش معايا

بس انا بشوف كدا

مثلا كان فى واحد صحبى بيحب وحده وهيا كانت بتدعى انها بتحبه وفجأه اكتشف انها على علاقه مع واحد تانى صحبه

ده الىبشوفه