لعبة الصراحــــــــــــــــــــــــــــــــــــــه

جايبتلكم اليوم لعبة الصراحه لا يمكن ان يدخلها الا شخص صادق وواثق من نفسه

يعني كل واحد يسأل سؤال مهما كان وعلى العضو اللي يدخل

ان يقرأ آخر سؤال ويجاوبه بصراحه واذا كان في احراج

يجاوب بقدر استطاعته ..

وبعد مايجاوب يسأل سؤال ليجيب عليه العضو اللي يدخل بعده

ويمكن أن تسأل سؤال واحد فقط في كل مرة تشارك فيها

ايه رايكم نجرب ؟؟

أوووكـي .. سؤالي للعضو اللي يدخل الموضوع بعدي

اول حرف من اسم حبيبك / حبيبتك ؟

حبيبتى اول حرف من اسمها

ا

حبيبى

موعدكيش

لان مافيش

يا بنتى احنا فى زمن اللى يحب فيه يبقى ضعيف

اللى بعدى بقا

عمرك اتجرحت من حد

كان مين

وايه الموقف؟؟؟؟؟؟

كان جرح عادى خيانة صديق
اخد منى حاجه ملكى على اعتقاد انها ملكه
بس مفرقتش معايا
لأن انا مش بخلى اى جرح يسيطر عليا

ايه الفرق بين الحزن والتشاؤم بالنسبه ليك؟

والله السؤال دا مناسب ليا تماما

الحزن عندى حالة من الاكتئاب بتفضل معايا فترة طويلة

وغالبا بتكون مصحوبة بالدموع

اما التشاؤم

حاله من فقدان الامل والرغبة فى الانعزال عن الناس والوحدة

والرغبة فى الموت

بس انا عمرى ما كنت متشائمة

لكن كتير بكون حزينة

ايه امنيتك فى الحياة؟؟؟؟؟؟؟؟

امنيتى فى الحياه انى اعمل عمل صالح يدخلنى الجنه فى الاخره دا فى المقام الاول
وانى اشوف امى واختى دا فى المقام الثانى
ــــــــــــــــــــــــــــــــــــــــــــــــــــــــــ
امنيتى بقى المستقبليه ان شاء الله
انى اكون مهندس برمجيات
وكمان نفسى فى حياه جميله

نفس السؤال؟

شبه امنيتك ياعمرو
يعنى نفسى اعمل حاجه ترضى ربنا ودخلنى الجنه
ونفسى اكون مهندسه كمبيوتر
ونفسى اعيش حياه هاديه مستقره خاليه من المشاكل
وكمان فى امنيه تانيه بتمنى تتحقق

ايه اكتر حاجه ندمان عليها ؟

انى حولت من الثانوى العام لدبلوم
ــــــــــــــــــــــــــــــــــــــــــــــــــــــــــــ

بتحل مشاكلك بعقلك ولا بقلبك

بعقلى واحيانا بقلبى

ايه احوال الدنيا معاك / ى ؟

الحمدلله ماشيه زى الفل اليومين دول
ويارب تفضل كده دايما

اكترحاجه بتضايقك؟

يارب دايما
____________

ان حد يتكلم عليا من ورايا
_________________

بتتمنى ايه فى اللحظه دى ؟ *يعنى الوقتى حالا*

الفجر يأذن عشان اروح اصليه جماعه فى المسجد

اكتر حد قريب منك؟

حبيبى
اخويا
اصحابى

تختار حبيبك ولا صديقك ؟

حبيبى طبعا

اوصف حياتك فى عنوان ؟

حياه بلا امل

لو حبيبتك خانتك هتعمل ايه ؟

اولا هتسبب جرح مؤقت
بس مش هزعل ولا هندم عليها
ومع مرور الوقت هتتلاشى من حياتى

لو كان الفقر رجلا لقتلته ؟
استبدل الفقر بكلمه من مخيلتك

لو كان الفراق رجلا لقتلته

احكيلنا موقف حصلك وبتتمنى يتكرر تانى ؟

انى فى اولى ثانوى فنى طلعت الاول على المدرسه
ههههههههههههههههههههههههه

ــــــــــــــــــــــــــــــــــــــــــــــــــــــــــــــــــــــــــــــــــــ
ليه حياتك بلا امل

لانى بحلم بحاجات كتير نفسى احققا
بس معنديش ذره امل او تفائل انها ممكن تتحقق
بصراحه يعنى فقده الامل فى كل حاجه

انت خايف من مستقبلك ولا لا ؟ وايه الى يخليك تخاف منه ؟

لا الحمدلله مش خايف
بالعكس انا متنبىء لمستقبلى انه هيكون ناجح وعظيم
بإذن الله

ايه اكتر حد بتحب تقلده او قدوتك؟

انا بحب اقلد اخويا
بس مش قدوتى ولا حاجه هههههههههه

ايه الحلم الى نفسك تحققه ؟

اكون انسان مشهور بجانب انى اكون ناجح ومميز فى مجال معين
وكمان اكون اسره صغيره وسعيده انا وشريكة حياتى

نفسه

انى اكون حره اعمل اى حاجه من غير ماحد يقولى انتى بتعملى ايه
وحلمى انى اتجوز الانسان الى بحبه ونكون اسره صغنونه حلوه

ايه هى مواصفات فتاه احلامك / فتى احلامك ؟

امممممممممممم
اهم حاجه عندى اخلاقها وتكون محترمه
وطيبه بعض الشىء مش عاوزها طيبه خالص
واتمنى انها تبقى قريبه من ربها
بجانب انها تحبنى وتخاف هليا وتغير عليا
بجانب انها تكون متفتحه وعلى درايه بما حولها
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

نفسه

اولا يكون محترم واخلاقه عاليه
ويكون طيب وعارف ربنا
ويكون بيحبنى بجد ويخاف عليا
واهم حاجه انه ميكونش بيشرب اى حاجه
فاهمينى طبعا

احكيلنا موقف محرج حصلك ؟

» لعبة اجب بنعم او لا
» لعبة عد من واحد لخمسة وكهرب اى عضو
» لعبة ملكة او ملك المنتدى
» لعبة سمو الأميرة و سمو الأمير
» لعبة الاهلى والزمالك